വൈപ്പിൻ നിയോജക മണ്ഡലത്തിലെ സമഗ്ര ആരോഗ്യ പദ്ധതിക്ക് തുടക്കമായി
വൈപ്പിൻ നിയോജക മണ്ഡലത്തിലെ സമഗ്ര ആരോഗ്യ പദ്ധതിക്ക് തുടക്കമായി.കോതാട് ജീസസ് ഹയർ സെക്കണ്ടറി സ്കൂളിൽ നടന്ന സൗജന്യ നേത്ര ചികിത്സാ ക്യാമ്പോടെയാണ് പദ്ധതി ആരംഭിച്ചത്. കെ .എൻ .ഉണ്ണികൃഷ്ണൻ എം .എൽ .എ ആണ് പരിപാടി ഉദ്ഘാടനം ചെയ്തത് .ചൈതന്യ കണ്ണാശുപത്രി കോരാമ്പാടം സഹകരണ ബാങ്ക് എന്നിവരുടെ സഹകരണത്തോടെയാണ് ക്യാമ്പ് സംഘടിപ്പിച്ചത് .നിയോജക മണ്ഡലത്തിലെ എല്ലാ പഞ്ചായത്തുകളിലും സൗജന്യ നേത്ര പരിശോധനാ ക്യാമ്പ് സംഘടിപ്പിക്കും .തുടർന്ന് 40 വയസ്സ് പിന്നിട്ട സ്ത്രീകൾക്ക് വേണ്ടി സൗജന്യ മാമ്മോഗ്രാഫി പരിശോധനയും മെഗാ മെഡിക്കൽ ക്യാമ്പും സംഘടിപ്പിക്കുമെന്ന് എം .എൽ .എ പറഞ്ഞു .
കോരാമ്പാടം സഹകരണ ബാങ്ക് പ്രസിഡണ്ട് ഹാരോൾഡ് നിക്കോൾസൺ അധ്യക്ഷത വഹിച്ച ചടങ്ങിൽ കടമക്കുടി പഞ്ചായത്ത് പ്രഡിസണ്ട് മേരി വിൻസെന്റ് ,വൈസ് പ്രസിഡണ്ട് കെ .പി .വിപിൻരാജ് ,വാർഡ് അംഗം ജൈനി സെബാസ്റ്റ്യൻ ,ചൈതന്യ ആശുപത്രി പി .ആർ .ഓ ജെറിൻ മാത്യു ,ഫാദർ : സുജിത് ,കോതാട് ജീസ്സസ്സ് എച് .എസ് .എസ് പ്രധാനാധ്യാപിക സി .എം മേരി പ്രിൻസിപ്പൽ ഷെറിൻ ഡിക്കൂഞ്ഞ ,ബാങ്ക് ഡയറക്ടർ ബോർഡ് അംഗങ്ങളായ അലക്സ് ആട്ടുള്ളി ,ബാബുരാജ് എന്നിവർ സംസാരിച്ചു .
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment