ബ്രാൻഡ്

വെങ്ങിണിശേരി സർവീസ് സഹകരണ ബാങ്കിന്റെ നാളികേര സംസ്കരണ യുണിറ്റ് ബാങ്കിന്റെ മാത്രമല്ല ,നാടിൻറെ തന്നെ മുഖശ്രീയായി മാറിക്കഴിഞ്ഞു .പ്രീമിയം ക്വാളിറ്റി വെളിച്ചെണ്ണയെന്ന്‌ ഇതിനകം പേരുകേട്ടു കഴിഞ്ഞ "കോ -പ്രൊ " വെളിച്ചെണ്ണ കേരളത്തിൽ മാത്രമല്ല അന്യ സംസ്ഥാനങ്ങളിലും പ്രിയങ്കരമാണ് .ഒരു കോടി രൂപ സർക്കാർ ധന സഹായത്തോടെ ആരംഭിച്ച പദ്ധതി കേരകർഷകര്ക്ക് താങ്ങാവുന്നതിനോടൊപ്പം ശുദ്ധമായ വെളിച്ചെണ്ണ ഉത്പാദനത്തിലും വൻ വിജയമായി വിപണിയിൽ തരംഗമായിക്കഴിഞ്ഞു .അഡ്മിനിസ്‌ട്രേറ്റീവ് ഓഫീസ് കോംബൗണ്ടിലെ കോക്കനട്ട് കോംപ്ലക്സിൽ ഡ്രയർ ,എക്സ്പെല്ലെർ ,ഫിൽറ്റർ ,തുടങ്ങിയവയെല്ലാം സജ്ജീകരിച്ചിട്ടുണ്ട് .കർഷകരിൽ നിന്നും നാളികേരം സംഭരിച്ചു ഉണക്കി കൊപ്രയാക്കി വെളിച്ചെണ്ണ ആട്ടിയെടുക്കുന്നു .ദിവസം 50,000 നാളികേരം സംസ്കരിച്ചെടുക്കുവാനും 50,000 ലിറ്റർ വെളിച്ചെണ്ണ സ്റ്റോർ ചെയ്യുവാനും കഴിയും .മൂന്ന് തവണ ഫിൽറ്റർ ചെയ്തു ഗുണമേന്മ ഉറപ്പുവരുത്തിയ വെളിച്ചെണ്ണ കേരളത്തിലെ സഹകരണ സൂപ്പർമാർക്കറ്റുകൾ വഴിയാണ് പ്രധാനമായി വിറ്റഴിക്കുന്നത് .കോക്കനട്ട് കോംപ്ളക്സിനോടനുബന്ധിച്ചും ഒരു ഔട്ട്ലെറ്റ് ഉണ്ട് .നാളികേരത്തിന്റെ മറ്റു മൂല്യ വർദ്ധിത ഉത്പ്പന്നങ്ങളായ ബിസ്ക്കറ്റ് ,തേങ്ങാപ്പാൽ ,തേങ്ങാപ്പൊടി ,കോക്കനട്ട് ചിപ്സ് ,വെർജിൻ കോക്കനട്ട് ഓയിൽ എന്നിവയുടെ ഉത്പാദനം ആരംഭിക്കുവാനുള്ള തയ്യാറെടുപ്പിലാണ് ബാങ്ക് 

ചക്കിട്ടപാറ സർവീസ് സഹകരണ ബാങ്കിന്റെ കീഴിലുള്ള "ബാങ്ക് മാൾ ഫാർമേഴ്‌സ് സൂപ്പർമാർക്കറ്റ് " സഹകരണ മേഖലയിലെ തന്നെ ഏറ്റവും വലിയ ബ്രാൻഡ്ആണ്.ഉപഭോക്താക്കൾക്കാവശ്യമായതെല്ലാം ഇവിടെ ഒരു കുടക്കീഴിൽ ഒരുക്കിയിരിക്കുന്നു .സൂപ്പർമാർക്കറ്റിനു പുറമെ അരിക്കട ,പാത്രക്കട ,സ്റുഡന്റ്റ്സ് മാർക്കറ്റ് ,വെജിറ്റബിൾ മാർക്കറ്റ് ,കോഫീ & കൂൾബാർ ,ഫിഷ് & മീറ്റ് മാർക്കറ്റ് ,ഡയറി എന്നിവയെല്ലാം ഇവിടെയുണ്ട് .പഴം പച്ചക്കറി മാർക്കറ്റിൽ ജൈവോൽപ്പന്നങ്ങൾക്ക് പ്രത്യേക വിഭാഗവും ഒരുക്കിയിട്ടുണ്ട് എല്ലാം ന്യായവിലയ്ക്ക് ലഭ്യമാക്കുന്നതിനൊപ്പം പച്ചക്കറിയുടെ ഹോൾസെയിൽ വിപണിയും പ്രവർത്തിച്ചുവരുന്നു .