മാന്ദാമംഗലം : പാലിനൊപ്പം വൈദ്യുതിയും വിറ്റ്  മാന്ദാമംഗലം ക്ഷീരോത്പാദക സഹകരണ സംഘം ഓഫീസ് കെട്ടിടത്തിന് മുകളിൽ 1000 ചതുരശ്ര അടി വിസ്തൃതിയിൽ സ്ഥാപിച്ച 32 സോളാർ പാനലുകൾ വഴി ഉത്പാദിപ്പിക്കുന്ന വൈദ്യുതി സ്വന്തം ആവശ്യം കഴിഞ്ഞു കെ .എസ് .ഇ .ബി ക്ക് വിൽക്കുകയാണ് .കഴിഞ്ഞ മാസം സൊസൈറ്റിയുടെ ആവശ്യത്തിന് ഉപയോഗിച്ച കഴിഞ്ഞ വൈദ്യുതി കെ .എസ് .ഇ .ബി ക്ക് വിൽക്കുകയാണുണ്ടായത്.മുൻപ് വൈദ്യുതി ചാർജ് ഇനത്തിൽ 10,000 രൂപവരെ അടച്ചിരുന്നു.ഇപ്പോൾ ഫിക്സഡ് ചാർജ് മാത്രമാണ് നൽകുന്നത്.10 കെ .വി യുടെ സൗരോർജ പ്ലാന്റ് സ്ഥാപിക്കാൻ ചിലവായ 8 ലക്ഷം രൂപയിൽ 6 ലക്ഷം രൂപ ജില്ലാ ക്ഷീര വികസന വകുപ്പ് നൽകി. സംഘം ദിവസം 1800 ലിറ്റർ പാൽ സംഭരിക്കുന്നു 500 ലിറ്റർ പ്രാദേശികമായി വിൽക്കുന്നു,ബാക്കി മിൽമക്ക് നൽകുന്നു .1945 അംഗങ്ങളുണ്ട് 250 കർഷകർ പാൽ നൽകുന്നുണ്ട് .സ്വന്തമായി വളം നിർമ്മാണവും ,തൈര് ഉത്പാദന യൂണിറ്റും ഉണ്ട് .