സഹകരണ സംഘം ജീവനക്കാർക്ക് പ്രത്യക പരിഗണന നൽകി വാക്സിൻ ഉറപ്പു വരുത്താത്ത സാഹചര്യത്തിൽ സഹകരണ മേഖലയിൽ എതിർപ്പ് പുകയുന്നു .സർക്കാരിന്റെ എല്ലാ ക്ഷേമ പ്രവർത്തനങ്ങളിലും കോവിഡ് പ്രതിരോധ പ്രവർത്തനങ്ങളിലും സജീവമായി പ്രവർത്തിക്കുന്നവരാണ് സഹകരണ മേഖലയിലെ ജീവനക്കാർ ,അതിൽ തന്നെ ചുരുക്കം ചിലർക്കേ വാക്സിൻ ലഭിച്ചിട്ടുള്ളൂ .നിരവധി ജീവനക്കാർ കോവിഡ് ബാധിതരായി സ്‌ഥാപനങ്ങൾ അടച്ചിടുന്ന അവസ്ഥയാണ് ഇത് തുടർന്നാൽ സംസ്ഥാനത്തു പല രീതിയിലുള്ള ബുദ്ധിമുട്ടുകളും ജനങ്ങൾക്കുണ്ടാകുമെന്ന് കാരന്തൂർ സർവീസ് സഹകരണ ബാങ്കിന്റെ സെക്രട്ടറി  എം .ദിനേഷ് കുമാർ സഹകരണ സംഘം ന്യൂസിനോട് പറഞ്ഞു .കളക്ഷൻ ഏജന്റുമാർ ,പെൻഷൻ കൊടുക്കുന്നവർ ഉൾപ്പടെയുള്ള സഹകരണ ജീവനക്കാർക്ക് പ്രത്യേക പരിഗണന നൽകി വാക്സിൻ ലഭ്യമാക്കുന്നതിനുള്ള നടപടി ആവശ്യപ്പെട്ടുകൊണ്ട് പല ബാങ്കുകളും സംഘടനകളും സഹകരണ  വകുപ്പ് മന്ത്രിക്ക് പരാതി നൽകിയിട്ടുള്ള സാഹചര്യമാണ് ഇപ്പോഴുള്ളത്