സഹകരണ വകുപ്പിന്റെ അമരക്കാരനായി ഇനി വി. എൻ. വാസവൻ
രണ്ടാം പിണറായി മന്ത്രി സഭയിൽ സഹകരണവകുപ്പ് ആര് കൈകാര്യം ചെയ്യും എന്ന ചോദ്യത്തിന് വിരാമമിട്ടുകൊണ്ടാണ് വി. എൻ. വാസവൻ എന്ന പേര് ഉയർന്നു വന്നത്, ഈ പേര് സഹകരണ മേഖലക്ക് പുതിയ പ്രതീക്ഷയും കരുത്തുമാകും എന്നതിൽ സംശയമില്ല.
ഉറച്ച വാക്കുകളും ധീരമായ നിലപാടുകളും ആണ് വി. എൻ വാസവൻ എന്ന പൊതു പ്രവർത്തകനെ കേരള രാഷ്ട്രീയത്തിൽ ശ്രെദ്ധേയനാക്കിയത്.
അര നൂറ്റാണ്ടിനടുത്ത തന്റെ പൊതു പ്രവർത്തന ജീവിതത്തിനിടയിൽ വി. എൻ. വാസവൻ നിരവധി പദവികൾ വഹിച്ചിട്ടുണ്ട്. ഏൽപ്പിച്ചു കിട്ടുന്ന ഉത്തര വാദിത്വങ്ങൾ ഏറ്റവും ഭംഗിയായി നിർവഹിച്ചു കൊണ്ട് മികച്ച സംഘാടകൻ എന്ന ഖ്യാതി സമ്പാദിച്ചാണ് ഇദ്ദേഹം സഹകരണ വകുപ്പ് ഏറെ പ്രതിസന്ധിയിലൂടെ നീങ്ങിക്കൊണ്ടിരിക്കുന്ന ഈ കാലയളവിൽ അതിന്റെ നേതൃത്വം ഏറ്റെടുക്കുവാനെത്തുന്നത്.
കോട്ടയത്തെ ഒരു സാധാരണ കുടുംബത്തിൽ നിന്നും ഉയർന്നുവന്ന ഇദ്ദേഹത്തിന്റെ ഇച്ഛാ ശക്തിയും നാളിതുവരെയുള്ള പ്രവർത്തന പരിചയവും സഹകരണമേഖലക്ക് മുതൽ കൂട്ടാകും എന്നത് എതിരഭിപ്രായമില്ലാത്ത കാര്യമാണ്. ഏറ്റവും എടുത്ത് പറയാവുന്ന കാര്യം സഹകരണ സ്ഥാപനമായ"റബ്കോ" യുടെ രൂപവത്കരണത്തിൽ തുടക്കം മുതൽ നേതൃത്വം നൽകിയവരിൽ വി. എൻ. വാസവനുണ്ടായിരുന്നു എന്നതാണ്. റബ്കോ ഡയറക്ടർ ബോർഡ് അംഗമായിരുന്ന ഇദ്ദേഹം വൈസ്. ചെയർമാൻ, ചെയർമാൻ എന്നീ പദവികളും വഹിച്ചിട്ടുണ്ട്.
സഹകരണ വകുപ്പിന്റെ പുതിയ തേരാളിക്ക് " "സഹകരണരണരംഗം ന്യൂസ്" ആശംസകളും, അഭിനന്ദനങ്ങളും നേരുന്നു
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment