2018 ലെയും 2019 ലെയും മഹാപ്രളയവും, പ്രകൃതി ക്ഷോപവും വായ്പ്പാ തിരിച്ചടവിനുണ്ടാക്കിയ ആഘാതം വളരെ വലുതാണ്.

ഗൾഫ് മേഖലകളിലുള്ള പലർക്കും തൊഴിൽ നഷ്ട്മായ സാഹചര്യമാണ് ഇണുള്ളത്, സംസ്ഥാനത്തെ തൊഴിൽ മേഖല നിശ്ചലമാവുകയും ചെയ്തിരിക്കുകയാണ്.പലരും ഇന്ന് കുടുംബ ചിലവുകൾക്ക് പോലും കഷ്ടപ്പെടുന്ന സാഹചര്യമാണ് ഇന്ന് നിലവിലുള്ളത്.

വായ്പ്പാ കുടിശികയും എം. ഡി. എസും ഈടാക്കുന്നതിന് വേണ്ടി പ്രാഥമീകവായ്‌പ്പാ സഹകരണ സംഘങ്ങൾ ആർബിട്രേഷൻ കേസ് ഫയൽ ചെയ്തത് പോലും തീർപ്പാക്കുന്നതിനു പോലും മേൽ ദുരന്തങ്ങൾ മൂലം കഴിഞ്ഞിട്ടില്ല.ആർബിട്രേഷൻ ഫീസിനത്തിൽ നല്ല തുക സംഘങ്ങൾക്ക് ട്രഷറിയിൽ ഒടുക്കേണ്ടിയും വരികയുണ്ടായി. പ്രത്യേക സാഹചര്യങ്ങൾ പരിഗണിച് മന്ത്രിയും, സഹകരണ വകുപ്പും നിരവധി വായ്‌പ്പാ കുടിശികക്കാർക്ക് വായ്‌പ്പ അടക്കുന്നതിനു സാവകാശം അനുവദിച്ചു നൽകിയിട്ടുമുണ്ട്.

മേൽ പ്രത്യേക സാഹചര്യങ്ങൾ പരിഗണിച്ചു 2020-21 വർഷത്തെ ഓഡിറ്റിൽ കരുതൽ വെക്കുന്നതിൽ നിന്നും വായ്‌പ്പാ കുടിശിക, പലിശ, എം. ഡി. എസ് തവണ കുടിശിക എന്നിവ പൂർണ്ണമായും ഒഴിവാക്കണം. നിലവിലുള്ള പ്രാഥമിക വായ്‌പ്പാ മേഖലയിലെ കഴിഞ്ഞ മൂന്നു വർഷത്തെ കുടിശികയുടെ ക്രമാതീതമായ വർദ്ദനവ് വിശദമായി വിശകലനം ചെയ്തും, സഹകാരികളുടെയും സഹകരണ മേഖലയിലെ ജീവനക്കാരുടെയും വായ്‌പ്പാ കുടിശിക സംബന്ധിച്ചുള്ള അഭിപ്രായങ്ങൾക്കൂടി ആരാഞ്ഞും സഹകരണ സംഘം രജിസ്ട്രാറുടെ 8.5.2020 34/2020 നമ്പർ സർക്കുലർ ഭേദഗതി ചെയ്ത് ഉത്തരവുണ്ടാകുന്നതിനു ആവശ്യമായ നടപടി സ്വീകരിക്കണമെന്നാണ് നിവേദനത്തിൽ പറയുന്നത്. പ്രസിഡന്റ് ജോഷ്വാ മാത്യു, ജനറൽ സെക്രട്ടറി അശോകൻ കുരുങ്ങപ്പള്ളി എന്നിവരാണ് നിവേദനം സമർപ്പിച്ചത്.