JDC ഓൺലൈൻ ക്ലാസുകൾ വൈകീട്ട് 6 മണി മുതൽ നടത്തണമെന്നഭ്യർത്ഥിച്ച് സഹകരണ വകുപ്പ് മന്ത്രിക്ക് നിവേദനം
കോവിഡ് മഹാമാരി രൂക്ഷമായിക്കൊണ്ടിരിക്കുന്ന സമയത്ത് തന്നെയാണ് സംസ്ഥാന സഹകരണ യൂണിയൻ നടത്തുന്ന ജെ.ഡി.സി കോഴ്സ് തുടങ്ങുവാൻ പോകുന്നത്. 50% സീറ്റുകളും സഹകരണ ജീവനക്കാർക്കാണ്. കൊറോണയുള്ള സന്ദർഭത്തിൽ ഓൺലൈൻ ക്ലാസുകൾ ആണ് കഴിഞ്ഞവർഷം കൂടുതലും നടത്തിയത്. ഈ വർഷവും (2021-2022) അങ്ങനെയാവുമെന്നാണ് തോന്നുന്നത്. ഈ ഓൺലൈൻ ക്ലാസ് വൈകുന്നേരം 6 മണി മുതൽ നടത്തിയാൽ ജീവനക്കാർക്ക് വലിയൊരാശ്വാസമാകും. സ്ഥാപനത്തിൽ നിന്ന് ലീവെടുക്കുകയും വേണ്ട. സ്ഥാപനത്തിന്റെ പ്രവർത്തനത്തിന് തടസ്സം വരാത്ത രീതിയിൽ മുന്നോട്ടു കൊണ്ടുപോവാനും ഒപ്പം ജീവനക്കാർക്ക് ഇത് സാമ്പത്തികമായ ആശ്വാസവും ആകും.
ആവശ്യമെങ്കിൽ പ്രത്യേക ദിവസങ്ങളിൽ മാത്രം ക്ലാസ് (ലോക്ക് ഡൌൺ കഴിഞ്ഞതിന് ശേഷം) നടത്തുകയും, പ്രാക്ടിക്കൽ ക്ലാസ്സിനു വേണ്ടി മാത്രം ലീവെടുത്ത് അവർക്ക് അത് പൂർത്തീകരിക്കാനാവുകയും ചെയ്യും.
കാരന്തൂർ സർവീസ് സഹകരണ ബാങ്ക് സെക്രട്ടറിയും എഴുത്തുകാരനുമായ ദിനേഷ് കാരന്തൂർ ആണ് സഹകരണ വകുപ്പ് മന്ത്രി വി. എൻ. വാസവന് ഈ കത്ത് നൽകിയിരിക്കുന്നത്.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment