സഹകരണ സ്ഥാപനങ്ങളിലെ കളക്ഷൻ ഏജന്റ്മാർക്കും താൽക്കാലിക ജീവനക്കാർക്കും വേതനം നൽകാൻ ഉത്തരവായി
സഹകരണ ബാങ്കുകളിൽ ലോക് ഡൗണിനെ തുടർന്ന് പ്രതിസന്ധിയിലായ താൽ ക്കാലിക ജീവനക്കാരുടെയും കളക്ഷൻ ഏജന്റ് മാരുടെയും വേതനം നൽകാൻ സർക്കാർ ഉത്തരവായി. കളക്ഷൻ ഏജന്റ് മാർക്ക് മെയ് മാസത്തേയും ലോക്ഡൗൺ തുടരുന്ന മാസത്തേയും പ്രവർത്തി ദിവസങ്ങൾ കണക്കാക്കി നിലവിലുള്ള വേതനം നൽകാനാണ് ഉത്തരവ്. താത്കാലിക ജീവനക്കാർക്ക് പ്രതിദിന വേതനവും നൽകേണ്ടതാണ്.
കളക്ഷൻ ഏജന്റ്മാർക്ക് മെയ് മാസം ലഭിക്കേണ്ട കമ്മീഷൻ 10,000 രൂപയിൽ കൂടുതലാണെങ്കിൽ ആ തുക നൽകുകയും 10,000 രൂപയിൽ കുറവാണെങ്കിൽ കഴിഞ്ഞ മൂന്ന് മാസത്തെ കമ്മീഷൻ തുകയുടെ ശരാശരി കണക്കാക്കി ആ തുകയും നൽകേണ്ടതാണ്. എന്നാൽ ഈ തുക 10,000 രൂപയിൽ അധികമാകാൻ പാടില്ല. ഇപ്രകാരം നൽകുന്ന തുക മെയ് മാസത്തെ കമ്മീഷനേക്കാൾ അധികമാണെങ്കിൽ, അധികമായി നൽകുന്ന തുക തുടർന്നുള്ള മാസങ്ങളിൽ ഭരണസമിതിയുടെ യുക്തമായ തീരുമാനമനുസരിച്ച് തവണകളായി ഈടാക്കാവുന്നതാണ്.
കളക്ഷൻ ഏജന്റുമാർക്ക് മെഡിക്കൽ ഇൻഷുറൻസ് ഏർപ്പെടുത്തിയിട്ടുള്ള സ്ഥാപനങ്ങൾ ഇൻഷുറൻസ് മുടങ്ങാതിരിക്കാനും നടപടി സ്വീകരിക്കേണ്ടതാണെന്ന് ഉത്തരവിൽ പറയുന്നു.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment