ലോക്ക് ഡൗണും കച്ചവടത്തിലെ കുറവും കാരണം പ്രമുഖ സഹകരണ സ്ഥാപനമായ ഇന്ത്യൻ കോഫീ ഹൗസുകൾ പ്രതിസന്ധിയിൽ ആണ്. തൃശ്ശൂർ ആസ്ഥാനമായ കോഫീ ഹൌസ് സോസൈറ്റിയിൽ രണ്ട് മാസത്തെ ശമ്പളം കുടിശികയായി. പി. എഫ്, ജിഎസ്ടി ഗ്രാറ്റുവിറ്റി ബാധ്യതകൾ 12 കോടി കഴിഞ്ഞു. ദീർഘകാല വായ്‌പ നൽകണമെന്ന് സോസൈറ്റി മുഖ്യമന്ത്രിയോട് ആവശ്യപ്പെട്ടിരിക്കുകയാണ്. പ്രതിസന്ധിക്കു പരിഹാരമായി എല്ലാ കോഫീ ഹൗസുകൾക്കും വേണ്ടി പരീക്ഷണാർത്ഥം സൂപ്പർ മാർക്കറ്റ് നടത്താനൊരുങ്ങുകയാണ്.മാർച്ചിലെ വരുമാനം 8.3 കോടി വരെ എത്തി തിരിച്ചു വരവിനൊരുങ്ങുമ്പോഴാണ് വീണ്ടും ലോക്ക് ഡൌൺ വന്നത്. ഏപ്രിലിലെയും മേയിലെയും ശമ്പളം മുടങ്ങി. അതിനു മുൻപ് ശമ്പളം 50 % വരെ കുറക്കേണ്ടി വന്ന മാസങ്ങളുമുണ്ടായിട്ടുണ്ട്