അമുൽ പാലിന്റെ  വില വർദ്ധിപ്പിച്ചു. ലിറ്ററിന് രണ്ട് രൂപയാണ് കൂട്ടിയത് . ഇന്ന് മുതൽ പാൽ വില വര്‍ധന പ്രാബല്യത്തിൽ വരും.രാജ്യമെമ്പാടും വില വര്‍ധന ബാധകമാകും.
 അഖിലേന്ത്യാ തലത്തിലാണ് വില വര്‍ധന. ഗുജറാത്ത് കോഓപ്പറേറ്റീവ് മിൽക്ക് മാര്‍ക്കറ്റിങ് ഫെഡറേഷൻ ആണ് ഇതു സംബന്ധിച്ച പ്രസ്താവന പുറത്തിറക്കിയത്.
കഴിഞ്ഞ 18 മാസമായി വിലയിൽ മാറ്റമില്ലാതെ നിലനിര്‍ത്തുകയാണെന്നും നിലവിലെ സാഹചര്യത്തിൽ വില വര്‍ധിപ്പിക്കാതെ നിവൃത്തിയില്ലെന്നുമാണ് ഫെഡറേഷൻ വ്യക്തമാക്കുന്നത്. പാൽ നിര്‍മാണ ചെലവുകൾ ഉയരുന്ന സാഹചര്യത്തിലാണ് വില വര്‍ധന. വൈദ്യുതി, പാക്കേജിംഗ്, ലോജിസ്റ്റിക്സ് ചാര്‍ജുകൾ, മൊത്തത്തിലുള്ള പ്രവർത്തനച്ചെലവ് എന്നിവ വർദ്ധിച്ചതാണ് പെട്ടെന്നുള്ള വില വർദ്ധനക്ക് പിന്നിൽ.