നികുതി ഇളവ് ലഭിക്കും ; ആദായ നികുതി നിയമപ്രകാരം
ബാങ്ക്, പോസ്റ്റ് ഓഫീസ് സേവിങ്സ് അക്കൗണ്ടിന് ലഭിക്കുന്ന 10,000 രൂപവരെയുള്ള പലിശയ്ക്ക് നികുതി ഇളവ് ലഭിക്കും . ആദായനികുതി നിയമത്തിലെ സെക്ഷൻ 80 TTA പ്രകാരമാണ് ഇളവ് ലഭിക്കുക . അതുപോലെ മുതിർന്ന പൗരൻമാർക്ക് 50,000 രൂപവരെയുള്ള പലിശയ്ക്കും നികുതി ഇളവ് ലഭിക്കുന്നതാണ്.2011 ജൂൺ മൂന്നിലെ സർക്കാർ വിജ്ഞാപന പ്രകാരം പോസ്റ്റ് ഓഫീസ് സേവിങ്സ് അക്കൗണ്ടിൽ നിന്ന് നേടിയ 3,500 രൂപ വരെയുള്ള പലിശ വരുമാനം സിംഗിൾ അക്കൗണ്ടുകൾക്കുള്ള നികുതിയിൽ നിന്ന് ഒഴിവാക്കിയിട്ടുണ്ട്. ജോയിന്റ് അക്കൗണ്ടുകൾക്ക് ഈ ഇളവ് പരിധി പ്രതിവർഷം 7,000 രൂപയായി ഉയർത്തുകയും ചെയ്തു. മുതിർന്ന പൗരന്മാർക്ക് സെക്ഷൻ 80 ടിടിഎ, സെക്ഷൻ 80 ടിടിബി എന്നിവ പ്രകാരമാണ് ഇളവുകൾ ലഭിക്കുക. ഇവിടെ ശ്രദ്ധിക്കേണ്ട കാര്യം, ആദായനികുതി നിയമത്തിലെ വ്യവസ്ഥകൾ അനുസരിച്ച് ഒരു വ്യക്തി പോസ്റ്റ് ഓഫീസിൽനിന്നുള്ള പലിശയുമായി ബന്ധപ്പെട്ട് സെക്ഷൻ 10 (15) പ്രകാരം ഇളവ് അവകാശപ്പെടുന്നുണ്ടെങ്കിൽ, അതേ വരുമാനത്തിന് പിന്നീട് മറ്റൊരു കിഴിവും ക്ലെയിം ചെയ്യാൻ സാധിക്കില്ല.എന്നാൽ ഈ പരിധി കവിഞ്ഞുള്ള പലിശയ്ക്ക് 80 ടിടിഎ അല്ലെങ്കിൽ 80 ടിടിബി കിഴിവുകൾക്കായി പരിഗണിക്കാം. നികുതിദായകൻ സെക്ഷൻ 80 ടിടിഎ പ്രകാരം നികുതി കിഴിവായി പലിശ വരുമാനം ക്ലെയിം ചെയ്യുന്നുവെങ്കിൽ അയാൾക്ക് മറ്റ് സ്രോതസ്സുകളിൽ നിന്നുള്ള വരുമാനത്തിന് കീഴിൽ പലിശ വരുമാനം കാണിക്കേണ്ടതുണ്ട്. ഈ വർഷം മുതൽ നികുതിദായകർക്ക് ഐടിആർ ഫോമുകളിൽ മുൻകൂട്ടി പൂരിപ്പിച്ച പലിശ വരുമാനത്തെക്കുറിച്ചുള്ള എല്ലാ വിവരങ്ങളും ലഭിക്കാൻ സാധ്യതയുണ്ട്. ഇതിന് ബാങ്കുകളും പോസ്റ്റ് ഓഫീസുകളും പലിശ സംബന്ധിച്ച വിശദാംശങ്ങൾ നികുതി വകുപ്പിന് അയയ്ക്കേണ്ടതുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment