പുതിയ ഇളവുകള് ഒന്നും ഇല്ല, സംസ്ഥാനത്ത് വാരാന്ത്യ ലോക്ക് ഡൗണ് തുടരും
തിരുവനന്തപുരം: സംസ്ഥാനത്ത് നിലവില് തുടരുന്ന വാരാന്ത്യ ലോക്ക് ഡൗണിന് മാറ്റമില്ല. ലോക്ക് ഡൌണ് തുടരാനാണ് സംസ്ഥാന സര്ക്കാരിന്റെ തീരുമാനം. മുഖ്യമന്ത്രിയുടെ അധ്യക്ഷതയില് ചേര്ന്ന കോവിഡ് കോര് കമ്മിറ്റി യോഗത്തിലാണ് പുതിയ തീരുമാനം. ഒരാഴ്ച കൂടി നിയന്ത്രണം തുടരും.
കൂട്ട പരിശോധനകള് തുടരാന് തന്നെയാണ് സര്ക്കാരിന്റെ തീരുമാനം ഇതിന്റെ ഭാഗമായി വെള്ളിയാഴ്ച മൂന്ന് ലക്ഷം പരിശോധനകള് നടത്തും. വാര്ഡ് തലത്തില് മുതല് മൈക്രോ കണ്ടെയ്ന്മെന്റ് ഏരിയകളില് വരെ ശക്തമായ ഇടപെടല് നടത്താനാണ് സംസ്ഥാന സര്ക്കാര് ആലോചിക്കുന്നത്.
ബക്രീദിനോടനുബന്ധിച്ച് നല്കിയ ഇളവുകള് സംസ്ഥാന സര്ക്കാര് നല്കിയതിനെ സുപ്രീംകോടതി ചോദ്യം ചെയ്തിരുന്നു.തൊട്ട് പിന്നാലെയാണ് വിഷയത്തില് കൂടുതല് നടപടി. നേരത്തെ ശനി,ഞായര് ദിവസങ്ങളില് പൂര്ണമായും ലോക്ക് ഡൗണ് ഒഴിവാക്കാനായിരുന്നു തീരുമാനം.അതേസമയം സംസ്ഥാനത്ത് ചൊവ്വാഴ്ച 16000ത്തിന് മുകളിലാണ് കോവിഡ് സ്ഥിരീകരിച്ചത്. ടെസ്റ്റ് പോസിറ്റിവിറ്റി 10 ശതമാനത്തില് നിന്നും താഴേക്ക് പോവുന്നില്ലെന്നാതാണ് ആശങ്ക. 104 മരണങ്ങളാണ് ഇന്ന് സ്ഥിരീകരിച്ചത്. ഇതും ആശങ്കയുണ്ടാക്കുന്നുണ്ട്.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment