പറവൂർ വടക്കേക്കര സർവീസ് സഹകരണ ബാങ്കിന്റെ വിജയഗാഥ
ജനകീയ അടിത്തറയും സുതാര്യതയും കൈമുതലാക്കി സാമൂഹിക പ്രതിബദ്ധതയോടെ 'ക്ലാസ് വൺ സൂപ്പർ ഗ്രേഡി'ൽ മുന്നേറുന്ന 'പറവൂർ വടക്കേക്കര സർവ്വീസ് സഹകരണ ബാങ്കി'ന് ഇന്ന് അഭിമാനിക്കാൻ നേട്ടങ്ങൾ ഏറെയുണ്ട്. കാര്യക്ഷമമായ പദ്ധതി പ്രവർത്തനങ്ങളും സുതാര്യമായ പണമിടപാടും, വായ്പാ വിതരണത്തിലെ കൃത്യതയും ബാങ്കിനെ സഹകരണ ബാങ്കുകളുടെ മുൻനിരയിൽ എത്തിക്കുമ്പോൾ എന്നും സാധാരണക്കാർക്കൊപ്പം എന്ന വിട്ടുവീഴ്ചയില്ലാത്ത നിലപാടുമായി നാടിന്റെ വെളിച്ചമാവുകയാണ് ബാങ്ക്.
കാർഷിക മേഖലയിലും സാമൂഹ്യ സേവന രംഗത്തും നടത്തുന്ന ഇടപെടലുകളാണ് ബാങ്കിനെ വേറിട്ടു നിർത്തുന്നത്.
പരമ്പരാഗതവും നൂതനവുമായ കാർഷിക സംരംഭങ്ങൾ ഒരു കുടക്കീഴിൽ വിജയകരമായി നടപ്പിലാക്കി
പ്രദേശത്തിന്റെ അഗ്രി ഹബ് ആയി മാറിയിരിക്കുകയാണ് ബാങ്ക്.
ബാങ്കിന്റെ പോളിഹൗസിൽ ഉത്പാദിപ്പിക്കുന്ന തൈകൾ വിൽക്കുന്നതിന് നഴ്സറിയും പ്രവർത്തിച്ചു വരുന്നു.
ആവശ്യക്കാർക്ക് കാർഷിക പ്രവർത്തനങ്ങൾ ചെയ്തുകൊടുക്കാൻ 'ഗ്രീൻ ആർമി'യും, പച്ച പട്ടാളത്തിന് വിവിധ തരം കാർഷിക യന്ത്രങ്ങളും സ്വന്തമായുണ്ട്. പച്ചക്കറി കൃഷി ചെയ്യുന്ന എസ്.എച്ച്.ജി. ഗ്രൂപ്പുകളും ബാങ്കിന് കീഴിലുണ്ട്.
അംഗങ്ങളുടെ സമഗ്രവികസനവും ബാങ്ക് ലക്ഷ്യമിടുന്നു. മുതിർന്ന പൗരന്മാർക്ക് പെൻഷൻ പദ്ധതി, കാൻസർ രോഗികൾക്ക് വൈദ്യസഹായം, വിധവകൾക്കുള്ള ക്ഷേമപദ്ധതികൾ, രോഗബാധിതരായ അംഗങ്ങളുടെ കുടുംബങ്ങൾക്കുള്ള ക്ഷേമ പദ്ധതികൾ ഉൾപ്പടെ നിരവധി ക്ഷേമ പ്രവർത്തനങ്ങൾ ബാങ്ക് നടത്തി വരുന്നു.
എസ്.എസ്.എൽ.സി., പ്ലസ്ടു വിജയികളായ പറവൂർ താലൂക്കിലെ മുഴുവൻ വിദ്യാർഥികൾക്കും ബാങ്ക് പുരസ്കാരം നൽകി ആദരിക്കാറുണ്ട്. അംഗങ്ങളുടെ പ്രൊഫഷണൽ വിദ്യാർഥികളായ മക്കൾക്ക് 50,000 രൂപയുടെ സ്ക്കോളർഷിപ്പും ബാങ്ക് നൽകി വരുന്നു.
കൈത്തറിയെ പ്രോത്സാഹിപ്പിക്കുന്നതിനായി ഓണക്കാലത്ത് 50 ശതമാനം ഡിസ്കൗണ്ടിൽ കൈത്തറി വില്പന കേന്ദ്രവും ബാങ്ക് നടത്താറുണ്ട്. ഒരു തയ്യൽ ഗ്രൂപ്പും ബാങ്കിനു കീഴിൽ പ്രവർത്തിച്ചു വരുന്നു.
ബാങ്കിന്റെ സഹകരണ നീതി മെഡിക്കൽ സ്റ്റോർ പ്രദേശത്തെ സാധാരണ ജനങ്ങൾക്ക് സബ്സിഡി നിരക്കിൽ മരുന്നുകൾ ലഭ്യമാക്കുന്നു. രോഗ നിർണ്ണയത്തിനും, മറ്റു പരിശോധനകൾക്കുമായി മെഡിക്കൽ ലാബും പ്രവർത്തിച്ചു വരുന്നു.
ജനങ്ങൾക്ക് എല്ലാ ഓൺലൈൻ സേവനങ്ങളും സുഗമമാക്കുന്നതിന് വേണ്ടി ആരംഭിച്ച ബാങ്കിന്റെ
മറ്റൊരു സംരംഭമാണ് "ഇ-സേവന കേന്ദ്രം."
പറവൂർ-വടക്കേക്കര സർവീസ് കോ ഓപ്പറേറ്റീവ് ബാങ്ക് നടത്തുന്ന "കോ- ഓപ്പ് മാർട്ടിൽ" ജനങ്ങൾക്ക് ആവശ്യമുള്ള പച്ചക്കറികളും, ഭക്ഷ്യ ഉത്പ്പന്നങ്ങളും ലഭ്യമാണ്. കർഷകരിൽ നിന്ന് പച്ചക്കറി ഉൽപന്നങ്ങൾ സംഭരിച്ച് ന്യായമായ വിലയ്ക്ക് കോ-ഓപ്പ് മാർട്ടിലൂടെ ജനങ്ങൾക്ക് വിതരണം ചെയ്യുന്നു.
എ.ബി.മനോജ്( പ്രസിഡണ്ട്) സൈനൻഎ .എൻ രാജുജോസ് ,കെ .
എസ് .ജനാർദ്ദനൻ ,എം .ജി .നെൽസൺ ,എം .വി .ഷാലീധരൻ,പി .എൻ .വിജയൻ ,പി .കെ .ഉണ്ണി ,ഗിരിജ അജിത് ,സുമ ശ്രീനിവാസൻ ,ഐഷ ബഷീർ എന്നിവർ അംഗങ്ങളുമായ ഭരണ സമിതിയുടെ നേതൃത്വത്തിൽ ബാങ്കിന്റെ വളർച്ചക്കും ജനസമ്മതിക്കും ഉതകുന്ന പ്രവർത്തനമാണ് കാഴ്ച്ചവെച്ചു കൊണ്ടിരിക്കുന്നത്. സെക്രട്ടറി കെ. എസ്. ജയ്സി.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment