കേരളത്തിലെ കലാകാരന്മാർക്ക് സഹകരണ വകുപ്പിന്റെ കൈത്താങ്ങ്
കേരളത്തിലെ കലാകാരന്മാർക്ക് സഹകരണ വകുപ്പിന്റെ കൈത്താങ്ങ്. വിവിധ കലാരൂപങ്ങൾ സംരക്ഷിക്കുകയും കലാകാരന്മാർക്ക് പരമാവധി വേദികൾ നല്കുകയും ചെയ്യുക വഴി അവരുടെ വരുമാനമാർഗം സുരക്ഷിതമാക്കാനുള്ള ശ്രമമാണ് സഹകരണ വകുപ്പ് ആരംഭിച്ചിരിക്കുന്നത്. ഈ ലക്ഷ്യം മുൻ നിർത്തി സംസ്ഥാന വ്യപകമായി പ്രവർത്തന പരിധിയുള്ള സഹകരണ സംഘം ആരംഭിക്കുകയാണ്.
കലാകാരന്മാരായിരിക്കും ഈ സംഘത്തിന്റെ അമരത്ത്. സാഹിത്യ പ്രവർത്തക സഹകരണ സംഘം ആസ്ഥാനത്തെ പൊൻകുന്നം വർക്കി ഹാളിൽ ചേർന്ന യോഗത്തിൽ സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ള മുപ്പതിൽ അധികം കലാകാരന്മാർ പങ്കെടുത്തു.
സംസ്ഥാനത്ത് എല്ലാ ജില്ലകളിലും സംഘത്തിന്റെ നേതൃത്വത്തിൽ സ്റ്റേജ് ഷോകൾ നടത്തുവാനും ഉദ്ദേശമുണ്ട് . "ടൂറിസം മേഖലയുടെ സഹകരണത്തോടുകൂടി കേരളീയ കലകളെ സംരക്ഷിക്കുക" എന്ന ലക്ഷ്യവും സഹകരണ സംഘത്തിനുണ്ട്. ബൈലോയുടെ കരടുരൂപം യോഗം ചർച്ച ചെയ്ത് അംഗീകരിച്ചു. ചീഫ് പ്രമോട്ടറായി കാർട്ടൂൺ അക്കാദമി മുൻ ചെയർമാനും പ്രമുഖ സഹകാരിയുമായ പ്രസന്നൻ ആനിക്കാടിനെ തെരഞ്ഞെടുത്തു. സംഘത്തിന്റെ രജിസ്ട്രേഷൻ നടപടികൾ ദ്രുതഗതിയിൽ പൂർത്തിയാക്കുവാൻ വേണ്ട നടപടികൾ സഹകരണ വകുപ്പ് ഉടൻ സ്വീകരിക്കും
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment