ടീം കോ -ഓപ്പറേറ്റീവിൻറെ നേതൃത്വത്തിൽ കല്ലടിക്കോട് ബാങ്കിൽ JLG പദ്ധതി
കല്ലടിക്കോട് സർവീസ് സഹകരണ ബാങ്കിന്റെ ആഭിമുഖ്യത്തിൽ വനിതകൾക്ക്
സാമ്പത്തിക സ്വയം പര്യാപ്തത കൈവരിക്കുന്നതിന് തൊഴിൽ സംരംഭങ്ങൾക്ക്
പ്രോത്സാഹനം നൽകുന്ന JLG ഗ്രൂപ്പുകൾ രൂപീകരിക്കുന്ന പ്രവർത്തനത്തിന്റെ
ഭാഗമായി പരിശീലന ക്ലാസ് നടത്തി .
എൻ .എസ് ഹാളിൽ നടന്ന പരിപാടി ഗ്രാമ
പഞ്ചായത്ത് പ്രസിഡണ്ട് പി .എസ് രാമചന്ദ്രൻ ഉദ്ഘാടനം ചെയ്തു .സ്ത്രീകൾ
പഴയകാലത്തെ അപേക്ഷിച്ചു മുഖ്യധാരയിലേക്ക് ഇറങ്ങി വന്നു കൊണ്ടിരിക്കുന്ന
കാലമാണിത് ,സ്ത്രീകൾ വെറുതെ പുറത്തിറങ്ങിയാൽ പോരാ അവർക്ക് വരുമാനം കൂടി
ലഭ്യമാകേണ്ടതുണ്ട്,അതിനു ഇത്തരം സംരംഭങ്ങൾ വളരെ അത്യാവശ്യമാണെന്നും അദ്ദേഹം
പറഞ്ഞു .
സഹകരണ മേഖലയിൽ കേരളത്തിലുടനീളം ഇടപെട്ട് പ്രവർത്തിച്ചു
കൊണ്ടിരിക്കുന്ന ടീം കോ -ഓപ്പറേറ്റീവ് ആണ് പദ്ധതിക്ക് നേതൃത്വം നൽകുന്നത്
.സംഘ സംരംഭങ്ങളിലൂടെ സ്ത്രീകളെ സാമ്പത്തിക സ്വയം പര്യാപ്തതയിലേക്ക്
നയിക്കുന്ന പരിശ്രമങ്ങളുടെ ഭാഗമായാണ്
ജെ .എൽ .ജി ഗ്രൂപ്പുകൾ
രൂപീകരിക്കുന്നത്.
ധനപരവും സാങ്കേതികവുമായ സഹായങ്ങൾ നൽകിയാണ് വനിതകൾക്ക്
വായ്പ നൽകുന്നത് .തുടർന്ന് ആവശ്യമായ മാർഗ നിർദേശങ്ങളും ബാങ്ക് നൽകും
.ബാങ്ക് പ്രസിഡൻറ് വി .കെ .ഷൈജു അധ്യക്ഷനായി.
കേരള കാർഷിക സർവകലാശാല റിട്ട
.പ്രൊഫസർ ഡോ.പി .അഹമ്മദ് JLG പദ്ധതിയെ കുറിച്ചും, അതിന്റെ ലക്ഷ്യത്തെയും ,
തുടർ പ്രവർത്തനങ്ങളെക്കുറിച്ചും വിശദമായ ക്ലാസ്സ് എടുത്തു. അതോടൊപ്പം
ഗ്രൂപ്പുകൾ രൂപീകരിച്ചു പ്രവർത്തനം ആരംഭിക്കുകയും ചെയ്തു.
.ടീം കോ
-ഓപ്പറേറ്റീവ് പ്രൊജക്റ്റ് ഡയറക്ടർ മധു ചെമ്പേരി ,കോ -ഓർഡിനേറ്റർ അർച്ചന
രാമകൃഷ്ണൻ എന്നിവർ പരിപാടികൾക്ക് നേതൃത്വം നൽകി.ദാവൂദ് ,കെ .കെ ചന്ദ്രൻ
,യുസഫ് പാലക്കൽ ,മുഹമ്മദ് ഹാരിസ് ബിനോയ് ജോസഫ് എന്നിവർ പ്രസംഗിച്ചു.
: സജീഷ് കുട്ടനെല്ലൂർ
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment