കൊരട്ടി സർവീസ് സഹകരണ ബാങ്കിന്റെ "പ്രാതൽ" പദ്ധതി ശ്രദ്ധേയമാകുന്നു.നാഷണൽ ഹൈവേയോട് ചേർന്നുള്ള കൊരട്ടി ബ്രാഞ്ച് ഹെഡ് ഓഫീസ് കെട്ടിടത്തിന് മുൻപിൽ പ്രത്യേകം തയ്യാറാക്കിയ കണ്ടെയ്നറിൽ  പ്രഭാത  ഭക്ഷണം ദിവസവും ഒരുക്കി വെക്കുന്ന പദ്ധതിയാണിത്.കേരള സർക്കാരിന്റെ "വിശപ്പുരഹിത കേരളം" എന്ന കാഴ്ച്ചപ്പാടിന് പിന്തുണയേകിക്കൊണ്ടുള്ള ഉദ്യമമാണിത്.വിശപ്പുള്ള ആർക്കും ഇവിടെ നിന്ന് രാവിലെ 7 മുതൽ 9 വരെയുള്ള സമയത്ത് സൗജന്യ പ്രഭാത  ഭക്ഷണം സ്വയം എടുത്ത് കഴിക്കാം എന്നതാണ് "പ്രാതൽ' പദ്ധതിയുടെ പ്രത്യേകത.കുടുംബശ്രീ അംഗങ്ങളാണ് ദിവസവും ഇവിടേക്കുള്ള ഭക്ഷണം തയ്യാറാക്കുന്നത്.ബാങ്കിന്റെ നീതി ലാബിൽ ടെസ്റ്റ് ചെയ്യാൻ വരുന്ന അന്യ ദേശത്തുള്ള ഷുഗർ രോഗികൾക്ക് ഇത് ഏറെ ആശ്വാസം കൂടിയാണ്.കൂടാതെ വഴിയോരത്ത് യാത്രക്കാർക്ക് സൗജന്യമായി ശുദ്ധജലം നൽകുന്ന പദ്ധതിയും ബാങ്കിന്റേതായി നടന്നുവരുന്നു .