ചെക്യാട്  സർവീസ് സഹകരണ ബാങ്കിന്റെ നേതൃത്വത്തിൽ കൃഷി വകുപ്പുമായി സഹകരിച്ച് മണ്ണ് പരിശോധനയും കാർഷിക സെമിനാറും നടക്കും. ഡിസംബർ 6 തിങ്കൾ വൈകു: 3 മണിക്ക്
കുറുന്തേരി ബ്രാഞ്ച് പരിസരത്ത്  വെച്ച് ചെക്യാട് ഗ്രാമപഞ്ചയത്ത് പ്രസിഡൻ്റ് നസീമ കൊട്ടാരത്തിൽ ഉദ്‌ഘാടനം ചെയ്യും. റിട്ട. കൃഷി ഓഫീസർ ശ്രീധരൻ പൊന്നംകോട്ട്
" മണ്ണ് പരിശോധനയും ശാത്രീയ വളപ്രയോഗവും" എന്ന വിഷയത്തിൽ പ്രഭാഷണം നടത്തും.

മണ്ണ് പരിശോധനക്കായി സാമ്പിൾ എടുക്കേണ്ട വിധം:

1. മൺവെട്ടി ഉപയോഗിച്ച് “V”  ആകൃതിയിൽ മണ്ണ് വെട്ടി എടുക്കുക  (കൃഷിയിടത്തിന്റെ വിവിധ സ്ഥലങ്ങളിൽ നിന്നും ഇപ്രകാരം എടുക്കണം, ഹൃസ്വകാലവിളകൾ കൃഷി ചെയ്യുന്ന സ്ഥലത്തു 1 അടി ആഴത്തിലുള്ള മണ്ണ്, ദീർഘകാല വിളകൾ കൃഷി ചെയുന്ന സ്ഥലമാണെങ്കിൽ ഒന്നര  അടി ആഴത്തിലുള്ള ഉള്ള മണ്ണ് )

2. ഇവ കൂട്ടിയോജിപ്പിച്ചു തണലത്ത്‌ നിരത്തുക (കമ്പ് , വേര് , കല്ല് നീക്കം ചെയ്യുക ).

3. മണ്ണ് നന്നായി യോജിപ്പിച്ചു സമചതുരത്തിന്റെ ആകൃതിയിൽ പരത്തണം

4. ഈ സമചതുരത്തിനെ നാലായി  വിഭജിച്ചു എതിർവശത്തുള്ള രണ്ടു ഭാഗങ്ങൾ ഒഴിവാക്കുക . ബാക്കി വരുന്ന മണ്ണ് വീണ്ടും മിക്സ് ചെയ്തു സമചതുരമാക്കണം .500  ഗ്രാം മണ്ണ് സാമ്പിൾ ലഭിക്കുന്നത് വരെ ഈ പ്രക്രിയ തുടരണം .

5. ഇത് ഉണങ്ങിയതിനു ശേഷം സാമ്പിൾ പരിശോധനക്കായി ഉപയോഗിക്കാം

NOTE: അടുത്തിടെ വളപ്രയോഗം നടത്തിയ സ്ഥലങ്ങൾ,വിളകളുടെ ചുവട് , ചാണക കുഴി , കമ്പോസ്റ്റ് കുഴി എന്നിവയുടെ സമീപ പ്രദേശ്‌നങ്ങളിൽ നിന്നും മണ്ണ് ശേഖരിക്കരുത്.

മണ്ണ് പരിശോധനക്ക് നൽകുമ്പോൾ ആവശ്യമായ വിവരങ്ങൾ
1. പേര്
2. മേൽവിലാസം
3. ഫോൺ നമ്പർ
4. ആധാർ കാർഡ് നമ്പർ
5. വാർഡ് നമ്പർ
6.സ്ഥലത്തിന്റെ വിസ്തീർണം
7.സർവ്വേ നമ്പർ
8.കൃഷി ചെയ്യുന്ന വിളകൾ

മണ്ണ് പരിശോധനയ്ക്കുള്ള സാമ്പിൾ 04/12/2021 ന് മുമ്പായി ബാങ്കിലോ ബങ്കിൻ്റെ അനുബന്ധ സ്ഥാപനങ്ങളിലോ എത്തിക്കേണ്ടതാണ്.
     
ഫോൺ: 95 26 111 278
               97 45 343 539