ആരുടേയും നിക്ഷേപം നഷ്ടമാകുന്ന സാഹചര്യം കേരളത്തിലെ ഒരു സഹകരണ സ്ഥാപനത്തിലും ഉണ്ടാകില്ല എന്ന് സഹകരണകുപ്പ് മന്ത്രി വി .എൻ വാസവൻ പറഞ്ഞു.വടക്കാഞ്ചേരി ബ്ലോക്ക് വിവിധോദ്ദേശ സഹകരണ സംഘം നിർമ്മിച്ച ശാഖാ മന്ദിരത്തിന്റെ ഉദ്‌ഘാടനം നിർവ്വഹിക്കുന്നതിനിടയിലാണ്  മന്ത്രി ഇങ്ങനെ പറഞ്ഞത് .റിസർവ് ബാങ്കിന്റെ നിയന്ത്രണങ്ങൾ സഹകരണ മേഖലക്ക് ബാധകമല്ലെന്നും അദ്ദേഹം പറഞ്ഞു.ഭവന രഹിതർക്കുള്ള ഫ്ലാറ്റ് സമുച്ചയ പദ്ധതികൾ സഹകരണ മേഖലയിൽ വ്യാപകമായി നടപ്പാക്കുമെന്നും വി .എൻ വാസവൻ പറയുകയുണ്ടായി .സേവിയർ ചിറ്റിലപ്പിള്ളി എം .എൽ എ അധ്യക്ഷത വഹിച്ചു.എ .സി .മൊയ്തീൻ എം .എൽ .എ , കേരള ബാങ്ക് വൈസ്.ചെയർമാൻ എം .കെ .കണ്ണൻ ,നഗരസഭ വൈസ് .ചെയർമാൻ പി .എൻ .സുരേന്ദ്രൻ,സ്ഥിരം സമിതി അധ്യക്ഷൻ ,എം .ആർ .അനൂപ് കിഷോർ എന്നിവർ പ്രസംഗിച്ചു.