വനിതാ സെൽഫിയുമായി കഞ്ഞികുഴി സഹകരണ ബാങ്ക്
സ്ത്രീ ശാക്തീകരണം ലക്ഷ്യമാക്കി കഞ്ഞിക്കുഴി സർവീസ് സഹകരണ ബാങ്ക്
നടപ്പിലാക്കിയ പ്രസ്റ്റീജ് പദ്ധതിയാണ് വനിതാ സെൽഫി.സാമ്പത്തിക
സ്വാശ്രയത്തിലൂടെ നാടിൻറെ പുരോഗതി എന്ന കാഴ്ച്ചപ്പാടോടെ രൂപം കൊടുത്ത
സഹകരണ മേഖലയിലെ വനിതകളുടെ ആദ്യ ഇവൻറ് മാനേജ്മെൻറ് ഗ്രൂപ്പായ "വനിതാ
സെൽഫിക്ക്' 2016 ലാണ് ബാങ്ക് രൂപം കൊടുത്തത്.
ഇന്ന് 140 -ഓളം വനിതകളുടെ അഭിമാനവും ആത്മസാക്ഷാത്കാരവുമാണ് വനിതാ സെൽഫി എന്ന ഈ സംരംഭം.
വൈവിധ്യമാർന്ന
ഒട്ടേറെ തൊഴിൽ സംരംഭങ്ങൾ ഒരുക്കുന്നതോടൊപ്പം തന്നെ ബാങ്ക് വായ്പ നൽകിയ
വ്യക്തികളുടെയും സ്വാശ്രയ സംഘങ്ങളുടെയും കാര്ഷികോത്പന്നങ്ങൾ മൂല്യ വർദ്ധിത
ഉത്പ്പന്നങ്ങളാക്കി വനിതാ സെൽഫി എന്ന ബ്രാൻഡ് നെയിമിൽ വിപണിയിൽ
എത്തിക്കുകയും ചെയുന്നു .ഒപ്പം വനിതാ സെൽഫി കോഫീ ഷോപ്പും
പ്രവർത്തിക്കുന്നുണ്ട്.വനിതകളുടെ കലാഭിരുചി പ്രോത്സാഹിപ്പിക്കുന്ന
വനിതാ സെൽഫിക്ക് കീഴിൽ വനിതാ ചെണ്ടമേള ഗ്രൂപ്പും ഉണ്ട് .വനിതകളുടെ തയ്യൽ
യൂണിറ്റും ഇവിടെ പ്രവർത്തിച്ചു വരുന്നുണ്ട്.സ്ത്രീകൾക്കാവശ്യമുള്ള ഗുണമേന്മയുള്ള വസ്ത്രങ്ങൾ മിതമായ നിരക്കിൽ ഇവിടെ നൽകി വരുന്നു.
കഴുകി
ഉപയോഗിക്കാവുന്ന കോട്ടൺ വർണ്ണ മാസ്കുകളും ഇവിടെ നിർമ്മിക്കുന്നുണ്ട്.
സ്ത്രീകളെ വീട് ശുചീകരണത്തിന് വിട്ട് നൽകുന്ന " ഫ്രീ ഫ്രണ്ട്ലി ഹോം
സർവീസിൽ 12 വനിതകൾ പ്രവർത്തിക്കുന്നുണ്ട്. ഫംഗ്ഷനുകൾ നടക്കുന്ന സ്ഥലത്ത്
വാഹനങ്ങൾ നിയന്ത്രിക്കുന്നതിനും,സെക്യൂരിറ്റി ജോലികൾക്കുമായി
"സുരക്ഷാ സേന " യും വനിതാ സെൽഫിയുടെ നേതൃത്വത്തിൽ പ്രവർത്തിച്ചു
വരുന്നുണ്ട്. വിവിധ തലങ്ങളിലായി വനിതാ സെൽഫിയിലൂടെ ഇവർ കൈവെക്കാത്ത
മേഖലകളില്ല.
വനിതകളുടെ ഈ കൂട്ടായ്മയുടെ പെരുമ പഠിക്കാൻ ഫ്രാൻസിൽ നിന്നും ഒരു സംഘമെത്തിയത് ഏറ്റവും വലിയ അംഗീകാരമായി ഇവർ കാണുന്നു.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment