തൃശൂർ: ജൈവ കർഷകനും ക്ഷോണമിത്ര അവാർഡ് ജേതാവുമായ വർഗീസ് തരകന്റെ കുറുമാൽ കുന്നിലെ ആയുർജാക്ക് ഫാമിലെ വൈവിധ്യമേറിയ പ്ലാവിൻ തൈകൾ കാണാൻ കൃഷി മന്ത്രി പി.പ്രസാദ് എത്തി.ഉയരം കുറഞ ഒന്നര വർഷത്തിനുള്ളിൽ കായ്ക്കുന്നതുൾപ്പടെ 56 ഇനം പ്ലാവിൻ തൈകൾ തരകന്റെ ഫാമിലുണ്ട് .ഇത്തരമൊരു പ്ലാവിൻ തോട്ടം പരിപാലിക്കുന്നത് അഭിനന്ദനാർഹമാണ്.സംസ്ഥാന കൃഷി വകുപ്പിന് വേണ്ടി വർഗീസ് തരകനെ  അഭിനന്ദിക്കുന്നതായി മന്ത്രി പറഞ്ഞു.കൃഷി വകുപ്പ് ഡയറക്ടർ ടി.വി.സുഭാഷ് ,കണ്ണൂർ ജില്ലാ പഞ്ചായത്ത് പ്രസിഡൻറ് പി .പി ദിവ്യ,വേലൂർ ഗ്രാമ പഞ്ചായത്ത് പ്രസിഡൻറ് ടി.എം.ഷോബി പഞ്ചായത്ത് മെമ്പർമാർ ,കൃഷി വകുപ്പ് ഉദ്യോഗസ്ഥർ എന്നിവരും മന്ത്രിക്കൊപ്പം ഉണ്ടായിരുന്നു.