സർവീസ് സഹകരണ ബാങ്കിന്റെ പേരിനൊപ്പമുള്ള " ബാങ്ക് " എന്ന വാക്ക് ഒഴിവാക്കണമെന്നുള്ള റിസർവ് ബാങ്ക് നിർദ്ദേശത്തിനെതിരെ നിയമ നടപടി സ്വീകരിക്കുമെന്നുള്ള നിലപാടിൽ നിന്നും സർക്കാർ പിന്നോട്ട്.കേരള ബാങ്കിന്റെ അന്തിമ അനുമതി,എൻ. ആർ. ഐ നിക്ഷേപ ലൈസൻസ് അടക്കമുള്ള പല കാര്യങ്ങളും റിസർവ് ബാങ്കിന്റെ പരിഗണനയിലുള്ള സാഹചര്യത്തിൽ നേരിട്ടുള്ള ഏറ്റുമുട്ടൽ എത്രത്തോളം വിജയിക്കുമെന്ന ആശങ്കയിലാണ് സർക്കാർ.റിസർവ് ബാങ്കിനെതിരെ സുപ്രീം കോടതിയെ സമീപിക്കാൻ മന്ത്രി സഭ ചേർന്ന് തീരുമാനി ച്ചത്.ഉടൻ തന്നെ ഹർജി ഫയൽ ചെയ്യുമെന്നും പ്രഖ്യാപിച്ചിരുന്നു. റിസർവ് ബാങ്ക് നീക്കത്തിനെതിരെ വലിയ തോതിൽ പ്രതിരോധം സംഘടിപ്പിക്കുമെന്നും സർക്കാർ പ്രഖ്യാപിച്ചിരുന്നു.എന്നാൽ രണ്ടു മാസം പിന്നിടുമ്പോൾ വിവിധ ജില്ലകളിൽ സഹകരണ സംരക്ഷണ സമിതികൾ ചേർന്ന് സമരം പ്രഖ്യാപിച്ചത് മാത്രമാണ് നടന്നത്.