ഭര്ത്താവും മക്കളും നഷ്ടമായ വീട്ടമ്മയുടെ കടബാധ്യത ഏറ്റെടുത്ത് കേരള ബാങ്ക് ജീവനക്കാർ
ഇലഞ്ഞി ആലപുരം കോലാടിയില് വീട്ടില് രാജീവന്റെ ഭാര്യ നിമി രാജീവിന്റെ ജീവിത ദുരിതങ്ങള് കണ്ടറിഞ്ഞ കേരള ബാങ്ക് ഇലഞ്ഞി ബ്രാഞ്ചിലെ ജീവനക്കാരാണ് ഈ കുടുംബത്തിന്റെ കടബാധ്യത എറ്റെടുക്കാന് മുന്കൈയ്യെടുക്കുന്നത്. വീട്ടമ്മയായ നിമിയുടെ ഭര്ത്താവ് രാജീവും മകന് മിഥുനും 2020 ല് മോനിപ്പിള്ളിയില് വച്ചുണ്ടായ ബൈക്കപടകത്തില് മരണപ്പെടുകയുണ്ടായി. കാർപ്പൻറ്ററായിരുന്ന രാജീവും മകനും സഞ്ചരിച്ച ബൈക്ക് ലോറിയിലിടിച്ചായിരുന്നു അപകടം. ഈ അപകടത്തിന് ഒരു വര്ഷം മുമ്പ് ഗുരുതര രോഗം ബാധിച്ച മകള് അഞ്ജിത മരണപ്പെടുകയുണ്ടായി. മകള് നഷ്ടമായതിന്റെ മുറിവ് മനസില് നിന്ന് മായുന്നതിന് മൂമ്പേ ഭര്ത്താവും മകനും നഷ്ടമായ നിമിയുടെ വായ്പ കുടിശിക സംഖ്യ മാസങ്ങളായി ഒടുക്കി വരുന്നത് ബ്രഞ്ചിലെ ജീവനക്കാരും സഹായസന്നദ്ധരായ ഇടപാടുകാരുമാണ്. മകളുടെ മരണത്തിന് മുമ്പ് വീടുനിര്മ്മിക്കാന് 3 ലക്ഷം രൂപയാണ് നിമി വായ്പ എടുത്തിരുന്നത്. ഇപ്പോള് രണ്ടര ലക്ഷത്തോളം രൂപയാണ് വായ്പ കണക്കില് ബാക്കിയുള്ളത്. കഴിഞ്ഞ നവംബറില് 31,200 രൂപ ജീവനക്കാരുടെ നേതൃത്വത്തില് സമാഹരിച്ച് അടക്കുകയുണ്ടായി. ഡിസംബറില് 3,200 രൂപയും ജനുവരില് 9000, 15000, 1750 എന്നിങ്ങനെ സംഖ്യകളും ശാഖ മാനേജര് എം.വനജയുടെ നേതൃത്വത്തില് കണ്ടെത്തി നിമിയുടെ അക്കൗണ്ടില് നിക്ഷേപിച്ചു. നാട്ടിലെ കേരള ബാങ്കിന്റെ 40 ഓളം ഇടപാടുകാര് ഇക്കാര്യത്തില് വിലയേറിയ സംഭാവനകള് നല്കി. അവശേഷിക്കുന്ന സംഖ്യ കൂടി കണ്ടെത്തി നിമിയുടെ വായ്പ അവസാനിപ്പിച്ച് ഈട് വസ്തുവായ മൂന്ന് സെന്റിന്റെ ആധാരം മടക്കികൊടുക്കുവാനുള്ള പ്രയത്നത്തിലാണ് കേരള ബാങ്ക് ഇലഞ്ഞി ബ്രാഞ്ച് ജീവനക്കാര്. നിമി ബാങ്കില് ഈട് വച്ചിട്ടുള്ള ഭൂമിയില് പണിപൂര്ത്തിയാവാത്ത ചെറിയ ഒരു വീടും ചെറിയ പെട്ടിക്കടയുമാണ് ഉള്ളത്. ഈ കടയില് നിന്ന് കിട്ടുന്ന തുച്ഛമായ സംഖ്യയാണ് നിമിയുടേയും മാതാവ് തങ്കമ്മയുടേയും ഏക വരുമാനമാര്ഗം
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment