ലേബർ കോൺട്രാക്ട് സെസൈറ്റിയുടെ സഹകരണത്തോടെ കൂടൽമാണിക്ക ക്ഷേത്രത്തിൽ ഔഷധവനം
ഇരിങ്ങാലക്കുട : ചരിത്ര പ്രസിദ്ധമായ കൂടൽമാണിക്ക ക്ഷേത്രാങ്കണത്തിൽ ഔഷധ വനമൊരുങ്ങുന്നു.മറ്റത്തൂർ ലേബർ കോൺട്രാക്ട് കോ -ഓപ്പറേറ്റീവ് സൊസൈറ്റിയുടെ സഹകരണത്തോടെ ക്ഷേത്രത്തിനോട് ചേർന്ന പറമ്പിലും ദേവസ്വത്തിന് കീഴിലെ 12 കീഴേടം പറമ്പുകളിലും ഔഷധ വനം ഒരുക്കുന്നതിന് ധാരണയായി.തുളസി ,കുറുന്തോട്ടി ,ശതാവരി ,കൊടുവേലി തുടങ്ങിയ സസ്യങ്ങളും ക്ഷേത്ര മതിലിനോട് ചേർന്ന് അശോകം ഉൾപ്പടെയുള്ള വൃക്ഷത്തൈകളും നടും. തരിശായി കിടക്കുന്ന ക്ഷേത്ര പറമ്പുകൾ കൃഷിഭൂമിയാക്കി മാറ്റുന്നതിനും ഗുണ നിലവാരമുള്ള ഔഷധ സസ്യങ്ങൾ ലഭ്യമാക്കുന്നതിനും അശോകം പോലെയുള്ള ഔഷധ സസ്യങ്ങൾ സംരക്ഷിക്കുന്നതിനുമാണ് പദ്ധതിയെന്ന് ചെയർമാൻ പ്രദീപ് .യു .മേനോൻ പറഞ്ഞു .തൈകളും ,വളവും സാങ്കേതിക നിർദ്ദേശങ്ങളും സൊസൈറ്റി നൽകുമെന്ന് പ്രസിഡൻറ് സി.വി .രവി പറഞ്ഞു.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment