എറണാകുളം :കാർഷിക വികസന കർഷക ക്ഷേമ വകുപ്പിന്റെ പച്ചക്കറി വികസന പദ്ധതിയുടെ ഭാഗമായി മികച്ച  രണ്ടാമത്തെ പൊതു സ്ഥാപനത്തിനുള്ള ജില്ലാതല അംഗീകാരം പറവൂർ-വടക്കേക്കര സർവീസ് സഹകരണ ബാങ്കിന്. കോതമംഗലം എം.എ.കോളേജ് ഇൻഡോർ സ്റ്റേഡിയത്തിൽ വച്ച് നടന്ന ചടങ്ങിൽ കോതമംഗലം എം.എൽ.എ  ആന്റണി ജോണിൽ നിന്നും ബാങ്ക് പ്രസിഡന്റ് എ.ബി മനോജ് അവാർഡ് ഏറ്റുവാങ്ങി .സെക്രട്ടറി  കെ.എസ് ജയ്സി ,ഭരണ സമിതി അംഗങ്ങൾ, ജീവനക്കാർ എന്നിവർ പങ്കെടുത്തു.ബാങ്ക് ഒട്ടേറെ കാർഷിക പ്രവർത്തനങ്ങൾ നാട്ടിൽ നടപ്പിലാക്കിയിട്ടുണ്ട്.  നഴ്സറി, അഗ്രി ഹബ്, കാർഷിക ഹരിത സേന, കാർഷിക വിപണന കേന്ദ്രം എന്നിവ ബാങ്കിന്റെ നേതൃത്വത്തിൽ നടന്നു വരുന്നു.കൂടാതെ ജെ. എൽ.ജി ഗ്രൂപ്പുകൾ രൂപീകരിച്ചു കൊണ്ട് കാർഷിക അനുബന്ധ പ്രവർത്തനങ്ങളും നടത്തി വരുന്നു.