കൂത്താട്ടുകുളം :നൂറ് വർഷം പൂർത്തിയാക്കിയ കാക്കൂർ സർവ്വീസ് സഹകരണ ബാങ്ക് പഴങ്ങളുടേയും പച്ചക്കറികളുടേയും മൂല്യവർദ്ധിത ഉൽപന്നങ്ങൾ വിപണിയിലിറക്കുന്നതിൻ്റെ ആദ്യപടിയായി  "കാസ്കോ163" എന്ന പേരിൽ പച്ച വെളിച്ചെണ്ണ പുറത്തിറക്കി.അഡ്വ.അനൂപ് ജേക്കബ് എം. എൽ. എ  ഉദ്ഘാടനം ചെയ്തു. സെയിൽസ് ഔട്ട് ലെറ്റിൻ്റെ ഉദ്ഘാടനം മുൻ എം.എൽ.എ എം.ജെ.ജേക്കബ് നിർവ്വഹിച്ചു.ബാങ്ക് പ്രസിഡണ്ട് അനിൽ ചെറിയാൻ അധ്യക്ഷനായി. പാമ്പാക്കുട ബ്ലോക്ക് പഞ്ചായത്ത് പ്രസിഡണ്ട് ആലീസ് ഷാജു ആദ്യവിൽപ്പന നടത്തി. കൃഷി വകുപ്പിന്റെ 13 ലക്ഷം രൂപയുടെ സബ്സിഡി ആത്മ പ്രോജക്ട് ഡയറക്ടർ ഷീല പോൾ കൈമാറി. ഗ്രാമ പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻമാരായ അഡ്വ.സന്ധ്യമോൾ പ്രകാശ്, സാജു ജോൺ എന്നിവർ മികച്ച കർഷകരെ ആദരിച്ചു. എറണാകുളം ജില്ല സഹകരണ സംഘം ജോയിന്റ് രജിസ്ത്രാർ സജീവ്.ഡി.കർത്ത,മുവാറ്റുപുഴ സർക്കിൾ സഹകരണ യൂണിയൻ ചെയർമാൻ വി.കെ.ഉമ്മർ, അഗ്രിക്കൾച്ചറൽ ഇംപ്രൂവ്മെമെൻ്റ് സഹകരണ സംഘം പ്രസിഡണ്ട് ജെയ്സൺ ജോസഫ്, ബ്ലോക്ക് പഞ്ചായത്ത് മെമ്പർ സിബി ജോർജ്, ഗ്രാമ പഞ്ചായത്തംഗം സി.വി. ജോയി, , അസിസ്റ്റൻൻ്റ് രജിസ്ട്രാർ ജെയ്‌മോൻ. യു.ചെറിയാൻ, കൃഷി ഓഫീസർ ജിജി റ്റി.കെ., വാർഡ് മെമ്പർ സി.വി. ജോയി, ബോർഡ് മെമ്പർമാരായ റ്റി.സി. തങ്കച്ചൻ, വി.ആർ.രാധാകൃഷണൻ, കെ.കെ. രാജ്കുമാർ , ബിനോയി അഗസ്റ്റിൻ, വർഗീസ് മാണി, സാജു പി.പി. സി.സി. ശിവൻ കുട്ടി, സബിത അജി, സ്മിത വിശ്വംഭരൻ ,സെക്രട്ടറി ഇൻ - ചാർജ് ശ്രീദേവി അന്തർജ്ജനം റ്റി.എസ്, ആഡിറ്റർ വിഷ്ണു രാധൻ എന്നിവർ സംസാരിച്ചു. ബാങ്ക് ഡയറക്ടർ എം.എം. ജോർജ് സ്വാഗതമാശംസിച്ചു.