കോർപ്പറേറ്റുകളെ നേരിടാൻ കോ-ഓപ്പറേറ്റീവുകൾക്കേ സാധിക്കൂ എന്ന് മുൻ കൃഷി മന്ത്രി വി. എസ്. സുനിൽ കുമാർ പറഞ്ഞു. "സഹകരണ എക്സ്പോ 2022" രണ്ടാം ദിനത്തിൽ സംഘടിപ്പിച്ച "കാർഷിക അനുബന്ധ മേഖലകളിൽ സഹകരണ പ്രസ്ഥാനം നടത്തുന്ന ഇടപെടലുകളും വികസന സാധ്യതകളും" സെമിനാർ  ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പ്രൈമറി അഗ്രി കോ-ഓപ്പറേറ്റീവ് സൊസൈറ്റികൾ കാർഷിക രംഗത്ത് സംഘടിതമായ ഇടപെടലുകൾ നടത്തണം.കർഷർ തന്നെ സംരംഭരാവുകയാണ് വേണ്ടത്. ഇതിലൂടെ യുവജനങ്ങൾ സഹകരണ രംഗത്തേക്ക് കടന്നുവരികയും കേരളത്തിൽ തൊഴിൽ മേഖല ശക്തിപ്പെടുകയും ചെയ്യുമെന്ന് അദ്ദേഹം പറഞ്ഞു.
മിൽമ ചെയർമാൻ കെ. എസ് മണി അധ്യക്ഷനായി.

ഷീല തോമസ് ഐ. എ എസ് ( സി. എം. ഡി, കേരള റബ്ബർ Ltd) പ്രബന്ധ അവതരണം നടത്തി. ഷാജി. പി. സക്കറിയ, ജയചന്ദ്രൻ എം. എസ്., പി. വി സ്കറിയ എന്നിവർ പങ്കെടുക്കുത്തു. ബലരാമപുരം സഹകരണ ബാങ്ക് പ്രസിഡന്റ് അഡ്വ. പ്രതാപചന്ദ്രൻ മോഡറേറ്ററായി.