സഹകരണ സംഘ ഭരണസമിതി അംഗങ്ങൾക്കുള്ള ചികിത്സാ സഹായത്തിന് അപേക്ഷ ക്ഷണിച്ചു
സഹകരണ സംഘ ഭരണസമിതി അംഗങ്ങള്ക്കുള്ള ആശ്വാസനിധി പദ്ധതിയായ സഹകാരി സാന്ത്വന ധനസഹായത്തിന് അപേക്ഷ ക്ഷണിച്ചു. വാര്ഷിക വരുമാനം മൂന്നു ലക്ഷം രൂപയില് താഴെയുള്ള സഹകാരികള്ക്കാണു പദ്ധതിയുടെ ആനുകൂല്യം കിട്ടുക. ചികിത്സക്കായി പരമാവധി 50,000 രൂപയും സഹകാരികള് മരണപ്പെട്ടാല് കുടുംബാംഗങ്ങള്ക്കു പരമാവധി 25,000 രൂപയും ലഭിക്കും .അപേക്ഷകര് സഹകരണ രംഗത്തു സര്ക്കിള് ( താലൂക്ക് )/ ജില്ല / സംസ്ഥാനതലത്തില് ഏതെങ്കിലും സഹകരണ മേഖലയുടെ പുരോഗതിക്കുവേണ്ടി വളരെക്കാലമായി പ്രവര്ത്തിച്ചവരോ പ്രവര്ത്തിച്ചുകൊണ്ടിരിക്കുന്നവരോ ആകണം. സഹകരണ സംഘം രജിസ്ട്രാറുടെ നിയന്ത്രണത്തില്പ്പെട്ട സഹകരണ സംഘത്തിന്റെ ഭരണസമിതിയില് രണ്ടു തവണയെങ്കിലും അംഗമായിരിക്കുകയും ഇപ്പോള് അവശതയനുഭവിക്കുന്നവരുമായിരിക്കണം. ജീവനക്കാരുടെ സംഘങ്ങളില് ഭരണസമിതിയംഗമായവര്ക്ക് ഈ പദ്ധതിയില് അര്ഹതയുണ്ടായിരിക്കില്ല. അപേക്ഷ ബന്ധപ്പെട്ട സഹകരണ സംഘം സെക്രട്ടറി മുഖേന താലൂക്കിലെ സര്ക്കിള് സഹകരണ യൂണിയന് സെക്രട്ടറി / അസി. രജിസ്ട്രാര് ( ജനറല് ) ക്കാണു ആവശ്യമായ സാക്ഷ്യപത്രങ്ങള് സഹിതം സമര്പ്പിക്കേണ്ടത്.
0 Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ sahakaranarangam ഓൺലൈൻ ന്യൂസ് ആൻഡ് മാഗസീന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Comments (0)
Add a Comment